En ungdom som er sterk og sunn.. ?
Tradisjonelt har vi forbundet ungdom med styrke og sunnhet,
Sosialtrygd og uføretrygd har hørt de eldre årsklasser til.
I senere år har dette endret seg. Som denne artikkelen viser, ble i
fjor mer enn 2500 ungdommer under 35 år uføretrygdet. Dette kan
skyldes hardt press i arbeidslivet, det kan skyldes slepphendte leger og
sosionomer. Men utviklingen kan også fortelle noe om en kultur som ikke
forbereder ungdom på et liv med utfordringer og krav. Den medieskapte
ungdomskulturen har i stor grad blitt til en popkultur der det gjelder
om å "utfolde seg" og å ha det gøy, heller enn å bygge opp
en karakterstyrke til å møte utfordringene senere i livet.
Rekordmange unge blir uføretrygda
Av Terje S. Skjerdal, Vårt Land 10.05.2001
Statistikken er dyster lesnad for den oppveksande generasjonen. Dei
siste ti åra har det vore ein auke på om lag 50 prosent i uføretrygdingar
blant nordmenn mellom 18 og 34 år.
Psykiske plager
Rikstrygdeverket er uroa over utviklinga. Unge menneske gjev opp å
søkja jobb og søkjer heller om uførepensjon.
- Den aukande førekomsten av psykiske lidingar og åtferdsforstyrringar
blant unge tyder på større krav til yteevne i ein konkurranseutsett og
pressa arbeidsmarknad, seier Tor Bjerkedal ved utgreiingsavdelinga i
Rikstrygdeverket.
Han har saman med kollega Anders Gogstad studert utviklinga i uføretrygdingar
blant unge dei siste åra.
Dei to forskarane slår fast at fleire unge menneske enn før blir
utsette for psykiske plager. 60 prosent av folk under 35 år som uføretrygdar
seg, gjer det på grunn av psykiske plager.
Skånsamt
Legar unngår å bruka psykiske lidingar som grunn når dei tilrår
uføretrygding, og føretrekkjer å oppgje somatiske (fysiske) sjukdomar
fordi det er meir skånsamt for pasienten, hevdar dei to forskarane i
ein artikkel som vert offentleggjord i Tidsskrift for Den norske lægeforening
i dag.
- Vanlege sjukmeldingsårsaker som ledd- og muskelsmerter er ofte
ledsagesymptom ved mange psykiske lidingar, skriv dei i artikkelen.
I 1999 vart det uføretrygda nesten tre gonger så mange unge nordmenn
som i 1980. Tala er ikkje heilt samanliknbare, ettersom det var ein meir
utstrekt bruk av rehabilitering før 1993.
Einslege
Visse grupper er meir utsette for å bli uføretrygda enn andre.
Undersøkinga slår fast at einslege er mest utsett. Dei representerer
over 70 prosent av dei uføretrygda. Sambuarar blir oftare uføretrygda
enn gifte.
- Når det gjeld utdanningsnivå, er det ei overvekt av uføretrygda med
ti-tolv års skulegang. Det er relativt få uføretrygda blant dei med høgare
utdanning, konstaterer Tor Bjerkedal.
Rikstrygdeverket er uroa for dei mange unge som blir uføretrygda. 1.
mai lanserte etaten ein kampanje som skal få folk i arbeidsfør alder
tilbake i arbeid. Kampanjen er spesielt retta mot aldersgruppa atten til
femti år.
- Me har fått marsjordre frå politikarane om å satsa spesielt på
denne aldersgruppa, seier avdelingsdirektør Ola Heen Strømmen i
Rikstrygdeverket.
I ferd med å snu
Heen Strømmen meiner at trenden alt kan vera i ferd med å snu. For
2000 var det ein nedgang i tilgangen på uføretrygda unge i høve til
1999, men på grunn av ny registreringspraksis er det misvisande å
setja tala opp mot kvarandre.
Det siste året har det vore vanskelegare å bli uføretrygda dersom ein
er under 35 år.
- Me vil i det lengste prøva å få dei unge tilbake i arbeidslivet,
seier Ola Heen Strømmen, og viser til meir utvida ordningar for attføring
og rehabilitering.
Unge på trygd:
Årleg tal uføretrygda personar mellom 18-34:
1980: 1091
1985: 1445
1990: 1978
1995: 2393
1999: 2918