Mislykket maktutredning
I Dag og Tid for 21.01.06 har
Svein Gjerdåker et intervju med sosiologiprofessor
Roar Hagen i Tromsø:
“Den politiske arenaen vert overlaten til økonomane og til dei som
tenkjer på menneska som rasjonelle egoistar,. Klasseomgrepet er ikkje
brukande til å analysera det norske samfunnet, rett og slett fordi Noreg
ikkje er eit klassesamfunn, seier sosiolog Roar Hagen, som har skrive ei
vitskapeleg bok om nyliberalismen og samfunnsvitskapane.
– Det er klart det finst sosiale skilnader, men ein får langt meir innsikt
av å sjå samfunnet som oppdelt i ulike sfærar enn i ulike klassar: Sfærar
som religion, familie, politikk, vitskap, økonomi, massemedium og sport.
Menneska deltek i alle desse sfærane på ein eller annan måte, seier Roar
Hagen,
– Utfordringa for samfunnsvitskapane er å prøva å skjøna kva høve
individa har innanfor desse sfærane og korleis einskildindivida best skal
kunna delta innanfor kvar sfære.
Hagen meiner at problemet med klasseomgrepet oppstår når ein skal
definera alternativa til det noverande samfunnet. Ei klasseforståing gjer at
ein lett kjem opp med fellesskapsmodellar der alle borgarane skal vera med på
å avgjera alt. Det vert utopisk.
Den siste maktutgreiinga er merkt av den same tenkjemåten. Dei stiller òg
opp ideal for samfunnet som ikkje er realistiske. Eg meiner at Øyvind Østeruds
maktomgrep er for utydeleg og for vidtfemnande. Makt vert for Østerud alt, og
dermed vert maktanalysen til slutt til ingenting.
. Og samfunnsvitarane på venstresida korkje kan eller vil hjelpa til. Dei
ventar i staden på eit eller anna diffust deltakardemokrati som skal omfatta
alle, og klarer ikkje å forsyna det politiske systemet med adekvate teoriar
og eit alternativ til den bedriftsøkonomiske tenkinga.
– Problemet for venstresida er at store delar av norsk samfunnsvitskap
trivst best som opposisjonsvitskap, på same måte som SV tydelegvis trivst
best som opposisjonsparti. Når dei kjem i posisjon, manglar dei
omgrepsapparat som set dei i stand til å sjå alternative løysingar.
Hele artikkelen:
http://www.dagogtid.no/nyhet.cfm?nyhetid=587